في ليلة عرسها تبكي ؟؟؟ حزييييييييييييينه بس حلوة

alnassri · #1 (**permalink**) 10-21-2007, 07:34 PM

ألقصيده الحزينه جدآآ

في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..

تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!

تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..

ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..

تقول فيها ..

سلاماتي .. تحياتي .. وأشـواقـي الشديده
.................. على اللي روحه قبالي .. وأنفـاسـه بعيده

على اللي افترقنا غصب عن عينـي وعينه
.................. بعد ما كنت انا وهو نحلم بلحـظـه سعيده

بعيش بغربتي لحـالـي .. وهـو الله يعينه
.................. يكمّل نصفه الثاني .. ويلـقـى مـن تريده

مثل ما قالت امـي .. مـا لـنـا إلا قدرنا
.................. والا مـن زمـان المفتـرض إيـدي بإيده

يسامحك الله يالوالـد .. علـى عمـرٍ قتلته
.................. بعد ما ماتت ابنيتـك وش اللـي بتستفيده ؟

أنا آسفه على اعذاري .. وربي غصب عني
.................. نعم بتزوّج فلان .. بس بعيش عمري وحيده

محّد ممكـن انّـه يملا عيـونـي بدونك
.................. تذكّر كلمتي هـذي .. أنـا فـ حبّـك شهيده

تذكّر كلمتي أرجـوك .. لأنهـا مـن فؤادي
.................. فؤادي اللي ذبحوه اليوم.. وطعنوه فـ وريده

تذكّر كلمةٍ فيهـا شـعوري ومـا طـرى لي
.................. أنا فـ حبك شهيده .. وذي ترى آخر قصيده

وجتها الوالده عندها ..

وهي تحاول تغض الطرف ..

وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..

على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!

بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..

وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمــد لله الهنا في حجرنا بات ..

تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّـتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟

بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ... مـــات !

عسآ أيآمكم كلهااا فرح وسعآآآده يآ رب

Soledad · #2 (**permalink**) 10-21-2007, 08:00 PM

بالجد قمة الجمال وقمة الحزن
تسلم اخوي
ياريت لو كان كل المحبين بيجمعهم القدر
بس الظروف ........

أميرةالنساء · #3 (**permalink**) 10-21-2007, 08:24 PM

أنا ما أتصور إن ممكن شخص يموت عشان حبيبه
وإلا كان متنا ورا والدينا لما يموتوا بما إنهم أغلى الناس

يعطيك العافية على القصة

Soledad · #4 (**permalink**) 10-21-2007, 08:27 PM

اميرة النساء ما سمعتي
ان من الحب ما قتل
والكلام دا حقيقي بس نادر جدا
لانة من النادر جدا من يحب بكل اخلاص

mjoood2006 · #5 (**permalink**) 10-21-2007, 08:34 PM

قصه في قمة الروعه
مشكووور

ندو2007 · #6 (**permalink**) 10-21-2007, 08:44 PM

في غاية الروعة يسلموووووووووووووووووووا

sweet angle · #7 (**permalink**) 10-21-2007, 08:46 PM

شكرااا ع الموضوع

ملاك الحسين · #8 (**permalink**) 10-22-2007, 02:18 AM

حلووووووووووووووووووووووووه حيل
يعطيك العافيه

تحياتي
ملاك الحسين

rumansse · #9 (**permalink**) 10-22-2007, 07:01 AM

أنا مادري هل هاذي قصه ام شعر على طرقة نثر ام عتاب ام ام ام.....

واللهِ انك عجيب...هاذا القصه صاعقه والله عجيبه...لانه مخلوطه...تقدر تقول قصه تقدر تقول شعر...

تقدر تقول خاطره بعــــد....واللهِ عجبتني واااجد....على فكره أنا سويت ليها كوبي وحفظته في جهازي لانه...

عن جد جميلــــــــه...

ويعطيــــــكــــــ ألـــــفـــــ عافيــــــه....جناااااااان القصـــــه...

Ana Ketha · #10 (**permalink**) 10-22-2007, 07:12 AM

تحزن مررررررره

يعطيك العافيه

**الدكتور511** · #11 (**permalink**) 10-22-2007, 09:27 AM

الله يعطيك العافية ماقصرت
الموت مو موت البدن
موت المشاعر وكل شي حلو فيك
اذا مااخذت الي تبيه
(ومن الحب ماقتل)

Soledad · #12 (**permalink**) 10-22-2007, 11:06 AM

دكتور 511
فعلا الموت مو ضروري يكون موت الجسد
لأنو موت المشاعر اقسي
واصعب

أدوات الموضوع
عرض نسخة صالحة للطباعة أرسل هذا الموضوع إلى صديق
تقييم هذا الموضوع
تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليلة القدر	ام مصطفى	المنتدى الإسلامي العام	3	11-11-2008 12:25 AM
قصة صاحب الظل الطويل للجوال	ابكي جروح	قسم المسجات والوسائط المتعددة MMS	32	08-11-2008 11:29 PM
لكي يصطفينا الله في ليلة القدر	عاشقة الجنه	المنتدى الإسلامي العام	3	10-10-2007 12:26 PM

الذين يشاهدون محتوى الموضوع الآن : 1 ( الأعضاء 0 والزوار 1)